R. Vixman: „Lebensregeln für Neurastheniker“ (1905)

[„Lebensregeln für Neurastheniker“. Dr. R. Vixman. 1903.]

Qarşımızda dördüncü nəşri çıxmış kiçik bir kitabça var; o, sual-cavab şəklində «nevrastenik»ə xəstəliyi barədə olduqca ağlabatan şeylər bildirir və ona məsləhətlər verir, lakin, yeri gəlmişkən, bu məsləhətlərin xəstəliyin sağalması üçün dəyərini şişirtmək olmaz. Müəllif özü bu kitabça ilə həkimin xəstə yanında şəxsən göstərdiyi xidməti lüzumsuz etmək niyyətini rədd edir; sağlam adamlar isə belə kitabları adətən oxumadıqlarından, populyar tibbi ədəbiyyatın bütün bu növünün mövcudluq haqqını şübhə altına almaq olardı. Nəzəri izahın və praktik təlimatın xüsusilə vacib olacağı bəzi məqamlarda müəllif işini özü üçün xeyli asanlaşdırmışdır; təşviş və məcburiyyət halları barədə deyilənlər də tamamilə qeyri-kafidir.

Professor Z. Fr.

[«Neue Freie Presse», səhər buraxılışı, № 14735, 31 avqust 1905, s. 21.]