25 may 1892 — toy təbriki və hədiyyə seçimi barədə

Vyana.

Mənim ən yaxşı dostum! [1] [2]

Düşünürəm ki, hər axmaq zarafatıma cavab yazmağınıza ehtiyac yoxdur. Elə indi, mən həqiqətən də əmin olmaq istəyirəm ki, sizdən cavab gözləməyə bilərəm. Bu gün yalnız onu bildirirəm ki, arvadım iyunun 1-də Reyhenauya yollanacaq; mən isə Troitsa bayramında ona qoşulacağam. Beləliklə, siz orada olarkən gözünüzə görünməmək mümkündür, ancaq, əlbəttə, mən də öz növbəmdə müəyyən bir fədakarlığa ümid edirəm və xoşbəxt adam, bir müddət görüşməyə və sizi ürəkdən təbrik etməyə hazıram — ya şənbə günü, ya da çərşənbə axşamı, əgər hələ də orada olsanız.

Yeri gəlmişkən və ağlıma daha ağıllı bir şey gəlmədiyindən, icazə verin sizə bildirim ki, sonuncu [poçt] kartınızda oxuduğum zaman: W. Ch. (Wilhelm Christian) [V. X. (Vilhelm Xristian)] [3] — son dərəcə təəccübləndim. Yalnız sonradan başa düşdüm ki, siz adınızı ikimənalı yazırsınız.

Ürəkdən gələn alqışlarımla,

Sizin Dr. Freyd

Toy hədiyyəsi olaraq nə almaq istədiyinizi tez düşünüb tapa bilərsinizmi? Mən bunu əvvəlcədən bilməliyəm.

Qeydlər:

[1] Məktub 1950-ci ildəki məktub nəşrinin ilk buraxılışında yoxdur.

[2] Həm bu məktubun, həm də Freydin Fliss ailəsinə yazdığı doqquz başqa məktubun əlyazması İerusalimdəki Yəhudi Milli Universitet Kitabxanasında saxlanılır. Flissin qızı – Paulina Yakobson – Almaniyadan İsrailə mühacirət edərkən onları özü ilə aparmışdı.

[3] Maykl Şroter (Michael Schroter) güman etmişdir ki, Flissin «Wilh.» kimi yazılan Vilhelm adı əlavə olaraq «W. Ch.» kimi də başa düşülə bilər.