4 oktyabr 1892 — Freydin ünvanı və qəbul saatları

İX, Berqgasse 19,

Dr. Z. Freyd

Konsultasiya saatları: 17-dən 19-a qədər

Əziz dost!

Bununla reflektor nevrozlarının ilkin qələmələrini göndərirəm [1]. Çap Teşində aparıldığı üçün, yəqin ki, basmaxana ilə əlaqəni özün qurmağın daha yaxşı olar. Mən onlara bir neçə yerdə nəzər saldım. İndi səndən girişi almağı gözləyirəm. Bu, məni ən çox maraqlandıran hissədir.

Yəqin ki, pasiyentin getməsindən sonra sənin xoşbəxt sükutunu pozduğum üçün üzr istəməliyəm. Zövq al. Ancaq sənin və İdanın yaxşı olduğunuzu eşitmək istərdim [2].

Son səkkiz gün ərzində balalarım Vyanada idi, onlar böyümələri ilə bağlı son dərəcə narahatdırlar; mən uşaq iflicinin ikinci hissəsini yazıram [3][4], təəssüf ki, bu başqa məzmunlu ikinci hissədir [5] si parva licet və s. [6].

Evdən evə ürəkdən salam.

İndi yaza bilərəm.

Sənin Ziqm. Freyd [7]

Qeydlər:

[1] Fliss V. Burun reflektor nevrozlarının klinika və praktikasına dair yeni məlumatlar. [Neue Beitrage zur Klinik und Therapie der nasalen Reflexneurosen]. Leypsiq-Viyana, F. Deuticke, 1893. İlk müxtəsər gözdən keçirmə 1894-cü ildə «Münchener medizinische Wochenschrift» jurnalında (№3, 16 yanvar 1894, s.55) dərc olunub.

[2] 1950-ci ilin məktublarının ilk nəşrində bu abzas buraxılmışdır.

[3] Məsələ 1893-cü ildə dərc olunmuş məqalə ilə bağlıdır: «Uşaq serebral diplegiyasının nəzəriyyəsinə dair (Littl xəstəliyi ilə əlaqəsi)» (Zur Kenntniss der cerebralen Diplegien des Kindesalters (im Anschluß an die Little’sche Krankheit))

Freyd bu məqaləni ikinci hissə adlandırır. Çünki o, daha əvvəl, 1891-ci ildə, doktor Oskar Ri ilə birlikdə «Uşaq bir tərəfli serebral iflicinin klinik tədqiqi» adlı daha həcmli bir əsər yazmışdı.

[4] 1893-cü ildə Freyd «Uşaq serebral iflici» (İnfantile Cerebralparese) terminini təqdim etdi. O, daxili uşaqlıq mənşəli spastik ifliclərin oxşar klinik əlamətlərə malik bütün formalarını serebral ifliclər qrupunda birləşdirməyi təklif etdi. 1958-ci ildə Oksfordda ÜST-in VIII nəzərdən keçirilməsi iclasında bu termin təsdiq edildi və aşağıdakı tərif verildi: «uşaq serebral iflici – beynin hərəkət və bədən vəziyyətini idarə edən şöbələrinə zərər vuran, proqressiv olmayan beyin xəstəliyidir; xəstəlik beynin inkişafının erkən mərhələlərində qazanılır».

[5] Götenin «Faustdan» əsərinin ikinci hissəsinə özünütənqidi xarakterli istinad.

[6] Latın dilindəki məşhur ifadə nəzərdə tutulur: Si parva licet componere magnis – kiçiyi böyüklə müqayisə etmək caizdirsə. Vergilinin «Georgika» poemasından sitatdır. Həmin fraza 14 oktyabr 1900-cü il tarixli məktubda da yer alacaq.

[7] Freydin «Sənin» kimi imzaladığı ilk məktub.