15 iyul 1938 — Tsveyq Freydə

15 iyul 1938.

Əziz, hörmətli cənab professor!

Sizi yenidən görmək arzum onsuz da qüvvətlidir və indi gələn həftə burada mənimlə birlikdə sizin yanınıza getməyi çox istəyən başqa biri olacaq — sizin ən böyük pərəstişkarlarınızdan biri və bütün kiçik axmaqlıqları ilə bəlkə də müasir rəssamlığın yeganə dahisi Salvador Dali; onun adını və əsərini əlbəttə ki, bilirsiniz. O, təəssüf ki, yalnız bir neçə gün buradadır — bazar ertəsi və çərşənbə axşamı — və mən özümə icazə verib bazar ertəsi səhər sizə zəng edəcəyəm ki, bu iki gündən birində sizi ziyarət edə bilərikmi.

Amerika işi haqqında hələ cənab oğlunuzla danışacağam. Təbii ki, əgər sizin daha yaxşı birisi yoxdursa, böyük sevinclə hazıram.

Sədaqət və hörmətlə

Sizin

Stefan Tsveyq