15 iyun 1925 — Tsveyq Freydə

15 iyun 1925

Çox hörmətli cənab professor, mən Leypsiqdəki Hendel festivalından yeni qayıtmışam və məktubunuzu dərin sevinc içində tapıram. Nə gözəldir ki, siz töhfə verdiniz! Təbii ki, heç bir maddi dəstək lazım deyil — əksinə, kitab sizinkilər kimi adlarla zəngin olduğuna görə başqa, xeyriyyə məqsədli bir işə xidmət edəcəkdir.

Bəlkə eşitmək sizə xoş olar ki, sizə ithaf edilməklə şərəflənmiş kitabım yaxşı yoldadır: ilk on min nüsxə artıq demək olar ki, satılıb qurtarıb və Milad bayramından əvvəl yeni nəşr çıxır.

Tez-tez sizi düşünürəm və həmişə də sağlamlığınız və yaradıcılığınız üçün ən dərin arzularla! Hörmətli qızınızı, xahiş edirəm, salamlayın və xoş münasibətinizi saxlayın

Sizin sadiqiniz

Stefan Tsveyq